సీఎం దృష్టికి ఏనుగుల సమస్య

జగన్‌మోహన్‌రెడ్డికి వినతిపత్రం అందిస్తున్న ఎమ్మెల్యే కళావతి

సీతంపేట, భామిని, న్యూస్‌టుడే: మన్యంలో సంచరిస్తున్న ఏనుగులతో గిరిజనులు ఇబ్బందులు పడుతున్నారని, ప్రభుత్వం స్పందించి తగిన చర్యలు తీసుకోవాలని ఎమ్మెల్యే వి.కళావతి సీఎం జగన్‌మోహన్‌రెడ్డిని కోరారు. ఈమేరకు గురువారం ఆయనకు వినతిపత్రం అందించారు. గజరాజుల కారణంగా నష్టపోయిన రైతులకు పరిహారం అందించాలని విన్నవించారు. జీవో నం.57ను సవరించాలని, భామిని మండలం చిన్నదిమిలి వద్ద వంశధార పిల్ల కాలువను మంజూరు చేయాలని, వీరఘట్టం, భామిని, బాలేరు, బత్తిలి పీహెచ్‌సీలను 50 పడకల సామాజిక ఆసుపత్రులుగా అప్‌గ్రేడ్‌ చేయాలన్నారు. మరికొన్ని సమస్యలను ఆయన దృష్టికి తీసుకెళ్లినట్లు ఎమ్మెల్యే ‘న్యూస్‌టుడే’కు తెలిపారు.