విశాఖలో కూలిన మూడంతస్తుల మేడ

జిల్లాకు చెందిన ఇద్దరి మృత్యువాత

సహాయక చర్యల్లో పాల్గొన్న బృందాలు

ఈనాడు-విశాఖపట్నం, జగదాంబకూడలి, న్యూస్‌టుడే: విశాఖలోని  కలెక్టరేట్‌ సమీపంలోని రామజోగిపేట జిల్లా పరిషత్తు కార్యాలయం వద్ద బుధవారం అర్ధరాత్రి మూడంతస్తుల పాత భవనం ఒక్కసారిగా కుప్పకూలింది.  ఈ ఘటనలో అన్నాచెల్లెళ్లు సాకేటి దుర్గాప్రసాద్‌(17), అంజలి(15),  ప్రాణాలు కోల్పోయారు. వీరి తల్లిదండ్రులు సాకేటి రామారావు, కల్యాణి గాయపడగా ప్రస్తుతం కేజీహెచ్‌లో చికిత్స పొందుతున్నారు. కల్యాణికి తలపై బలమైన గాయం కావడంతో న్యూరోసర్జరీ వార్డుకు తరలించామని, ప్రాణాపాయం లేనప్పటికీ సాధారణ స్థితికి రావడానికి కొంత సమయం పడుతుందని కేజీహెచ్‌ వైద్యులు చెప్పారు. రామారావు స్వగ్రామం విజయనగరం జిల్లా మెరకముడిదాం మండలం గొల్లల మర్రివలస. కొన్నేళ్ల క్రితం విశాఖకు వెళ్లిపోయారు. అంజలి, దుర్గాప్రసాద్‌, బిహార్‌కు చెందిన చోటూ మృతదేహాలను శవపరీక్షల కోసం మార్చురీలో ఉంచారు. విషయం తెలుసుకున్న బంధువులు ఆసుపత్రికి చేరుకోవడంతో విషాద వాతావరణం నెలకొంది.
 

బిడ్డలను కోల్పోయి విలపిస్తున్న రామారావు