క్వారీలో బాంబు పేలుళ్లు ఆపాలని నిరసన

నిరసన తెలుపుతున్న ప్రజలు

కొమరాడ, న్యూస్‌టుడే: రైల్వే మూడో లైన్‌ పనులకు వినియోగించేందుకు కోటిపాం సమీపంలో రాళ్ల క్వారీని అధికారులు ఏర్పాటు చేశారు. కానీ ఇక్కడ రాళ్లు ముక్కలు చేసేందుకు బాంబులు పేల్చడంతో సమీపంలోని శ్రీ సత్యనారాయణస్వామి ఆలయం బీటలు వారి గోడలు పడిపోయే స్థితికి చేరుతున్నట్లు గ్రామస్థులు ఆరోపిస్తున్నారు. క్వారీలో పేలుళ్లు నిలిపేయాలని శనివారం నిరసన చేపట్టారు. ఇక్కడ ఎలాంటి పనులు చేపట్టొద్దని గతంలోనే యాజమాన్యానికి చెప్పినా పట్టించుకోలేదన్నారు. దీనిపై పోరాటం చేసేందుకు సిద్ధంగా ఉన్నట్లు చెప్పారు.