హక్కుల్ని హరిస్తోంది

సమావేశంలో మాట్లాడుతున్న సంధ్యారాణి

సాలూరు, న్యూస్‌టుడే: గిరిజనుల హక్కులను ప్రభుత్వం హరిస్తోందని తెదేపా పొలిట్‌ బ్యూరో సభ్యురాలు గుమ్మిడి సంధ్యారాణి విమర్శించారు. ఆదివారం ఆమె నివాసంలో గిరిజన సంఘ నేతలతో మాట్లాడారు. రిజర్వేషన్లు పెంచకుండా బోయ, వాల్మీకీలను ఎస్టీ జాబితాలో చేర్చడం ముమ్మాటికీ ఆదివాసీలను అణచివేసేందుకే అన్నారు. గిరిజనులకు మేలు చేసే జీవోను కాలరాశారని ఆరోపించారు. గిరిజనుల ఓట్లతో నాలుగుసార్లు ఎమ్మెల్యేగా గెలిచిన ఉప ముఖ్యమంత్రి రాజన్నదొర గిరిజనుల తరపున మాట్లాడరా...? అని ఆమె ప్రశ్నించారు. ఈ సమావేశంలో గిరిజన నేతలు కోట లక్ష్మణ, బి. రామన్నదొర, సీహెచ్‌. వెంకటి, దొర లక్ష్మణ ఉన్నారు.