సంఘీభావం తెలిపితే దాడి చేస్తారా?

కలెక్టరేట్ ఎదుట నాయకుల నిరసన

కలెక్టరేట్ ప్రాంగణం, న్యూస్‌టుడే: రాష్ట్రంలో అరాచక పాలన సాగుతోందని భాజపా జిల్లా అధ్యక్షుడు ద్వారపురెడ్డి శ్రీనివాసరావు పేర్కొన్నారు. అమరావతి రైతులు ఏర్పాటు చేసిన సంఘీభావ సభకు హాజరైన పార్టీ జాతీయ కార్యదర్శి సత్యకుమార్‌పై వైకాపా కార్యకర్తల దాడిని నిరసిస్తూ శనివారం కలెక్టరేట్ ఎదుట ఆందోళన చేశారు. రాష్ట్ర ఉపాధ్యక్షుడు, మాజీ ఎమ్మెల్యే జయరాజు మాట్లాడారు. వైకాపా ప్రభుత్వం హింసతో పాలన చేస్తోందని, వాటిని కప్పిపుచ్చుకోవడానికి దిల్లీకి నాయకులు పరుగులు తీస్తున్నారని ఆరోపించారు. సత్యకుమార్‌పై దాడి ప్రభుత్వ వైఫల్యమేనని అన్నారు. వెంటనే బాధ్యుల్ని అరెస్టు చేయాలని డిమాండ్‌ చేశారు.