అభివృద్ధి, సంక్షేమానికి బాటలు

పార్వతీపురం, న్యూస్‌టుడే: మహానాడు వేదికగా తెదేపా అధినేత చంద్రబాబు ప్రకటించిన ఎన్నికల మేనిఫెస్టో అమలు చేస్తే రాష్ట్రంలో అభివృద్ధి, ప్రజా సంక్షేమానికి బాటలు పడతాయని పార్టీ రాష్ట్ర అధికార ప్రతినిధి డి.జగదీశ్‌, మాజీ ఎమ్మెల్యే చిరంజీవులు పేర్కొన్నారు. దీనిపై ప్రజలకు అవగాహన కల్పించేందుకు బుధవారం పార్వతీపురంలో ద్విచక్ర వాహన ర్యాలీ నిర్వహించారు. తెదేపా పథకాలతో యువత, మహిళలు, విద్యార్థులకు మేలు జరుగుతుందన్నారు. కార్యక్రమంలో నాయకులు జి.ఉదయభాను, కె.వెంకటరావు జి.రవికుమార్‌, డి.మోహనరావు, కె.తిరుపతిరావు, భాస్కరరావు, కార్తిక్‌, గౌరునాయుడు తదితరులు పాల్గొన్నారు.