సమష్టి కృషితో పురస్కారాలు

పార్వతీపురం, న్యూస్‌టుడే: జిల్లాలో యంత్రాంగం సమష్టిగా పనిచేయడంతో ఏడాదిలో నాలుగు ప్రతిష్ఠాత్మక పురస్కారాలు వరించాయని కలెక్టర్‌ నిశాంత్‌కుమార్‌ అన్నారు. ఈమేరకు గురువారం రాత్రి పార్వతీపురంలో జరిగిన అభినందన సభలో కలెక్టర్‌ను జిల్లా అధికారులు సత్కరించారు. ఇటీవల నీతి ఆయోగ్‌ నుంచి ప్రశంసలు, రూ.3 కోట్ల అదనపు నిధులు సమకూరాయి. దీంతో పాటు సీతానగరం మండలం జోగింపేట పంచాయతీకి జాతీయ స్థాయిలో స్వచ్ఛ పురస్కారం లభించింది. ఈ నేపథ్యంలో నిశాంత్‌కుమార్‌కు అభినందనలు తెలిపారు. ఎస్పీ విక్రాంత్‌పాటిల్‌, జేసీ గోవిందరావు, ఐటీడీఏ పీవో విష్ణుచరణ్‌, సబ్‌కలెక్టరు నూరుల్‌కమర్‌, డీఆర్వో వెంకటరావు, ఆర్డీవో హేమలత, డీఎఫ్‌వో ప్రసూన, ఏఎస్పీ దిలీప్‌ కిరణ్‌, డీఆర్‌డీఏ, డ్వామా పీడీలు కిరణ్‌కుమార్‌, రామచంద్రరావు, డీజీపీవో సత్యనారాయణ, పీఆర్‌ ఈఈ కృష్ణాజీ, వివిధ శాఖల అధికారులు పాల్గొన్నారు.