జనసేన పార్టీ హామీలతో వివాహ ఆహ్వాన పత్రిక

ఇటు ప్రచారం.. అటు ఆహ్వానం

జియ్యమ్మవలస మండలానికి చెందిన ఓ జనసేన కార్యకర్త పార్టీ, పవన్‌కల్యాణ్‌పై అభిమానాన్ని చాటుకున్నాడు. తన వివాహ ఆహ్వాన పత్రికలో హామీలను ప్రచురించాడు. దీనికి సంబంధించిన వివరాలు ఇలా ఉన్నాయి. మండలంలోని శిఖబడి గ్రామానికి చెందిన లచ్చిపతుల రంజిత్‌కుమార్‌ జనసేన కార్యకర్త. ఆయన ప్రస్తుతం ఆ పార్టీ కురుపాం నియోజకవర్గ ఐటీ వింగ్‌ కోఆర్డినేటర్‌గా పనిచేస్తున్నాడు. శనివారం అర్ధరాత్రి ఆయన వివాహం జరిగింది. ఈ సందర్భంగా పంపిణీ చేసిన ఆహ్వాన పత్రిక కవరుపై పవన్‌ కల్యాణ్‌ వారాహి చిత్రంతో ఉన్నట్లు, లోపల పార్టీ ఇచ్చిన హామీలను ప్రచురించి ప్రచారం కల్పించారు. ఈ కార్డును బంధువులు, స్నేహితులు ఆసక్తిగా చూస్తున్నారు.

న్యూస్‌టుడే, జియ్యమ్మవలస

కవరుపై పవన్‌కల్యాణ్‌ వారాహితో ఉన్న చిత్రం