స్పందించి.. విరాళాలు పోగేసి

ఎల్లమ్మకు చెక్కు అందిస్తున్న ఎస్పీ దీపిక ఎం.పాటిల్‌

విజయనగరం నేరవార్తావిభాగం, న్యూస్‌టుడే: జిల్లాలో హోంగార్డుగా పనిచేసి ఇటీవల ఉద్యోగ విరమణ పొందిన ఎస్‌.ఎల్లమ్మకు హోంగార్డులు అండగా నిలిచారు. ఆమె కుటుంబ పరిస్థితులు, ఆర్థిక సమస్యల దృష్ట్యా ముందుకొచ్చి విరాళాలు సేకరించారు. ఈ మేరకు రూ.3,20,920 విలువైన చెక్కును మంగళవారం నగరంలోని పోలీసు కార్యాలయంలో ఎస్పీ దీపిక ఎం.పాటిల్‌ చేతులమీదుగా అందజేశారు. ‘చేయూత’ కార్యక్రమం కింద తోటి ఉద్యోగులకు అండగా ఉండడం అభినందనీయమని ఈ సందర్భంగా ఎస్పీ పేర్కొన్నారు. అదనపు ఎస్పీ అస్మా ఫర్హీన్‌, ఏఆర్‌ డీఎస్పీ ఎల్‌.శేషాద్రి, కార్యాలయ పర్యవేక్షకుడు ప్రభాకరరావు తదితరులు పాల్గొన్నారు.

నేరవార్తావిభాగం: పోలీసులు క్రమం తప్పకుండా వైద్య పరీక్షలు చేయించుకోవాలని ఎస్పీ దీపిక ఎం.పాటిల్‌ సూచించారు. తిరుమల- మెడికవర్‌ ఆసుపత్రి యాజమాన్యం సహకారంతో మంగళవారం వివిధ స్టేషన్లలో పనిచేస్తున్న పోలీసులకు వైద్య పరీక్షలు నిర్వహించారు.