‘విద్యార్థుల జీవితాలతో విద్యాశాఖ చెలగాటం’

ఒంగోలు నగరం, న్యూస్‌టుడే: కరోనా కేసులు వేగంగా పెరుగుతున్నందున జనవరి నెల మొత్తం విద్యాలయాలకు సెలవులు ప్రకటించాలని విద్యార్థి ఐకాస రాష్ట్ర అధ్యక్షుడు రాయపాటి జగదీష్‌ కోరారు. ఒంగోలులో సోమవారం నిర్వహించిన సమావేశంలో ఆయన మాట్లాడారు. ఇతర రాష్ట్రాల్లో ముందుజాగ్రత్త చర్యగా విద్యాలయాలకు సెలవులు ప్రకటిస్తే.. మన రాష్ట్ర విద్యాశాఖ మాత్రం పిల్లల జీవితాలతో ఆడుకుంటోందని ఆరోపించారు. కరోనా వల్ల ఏ విద్యార్థికైనా ప్రాణనష్టం వాటిల్లితే అందుకు ప్రభుత్వమే బాధ్యత వహించాలని డిమాండ్‌ చేశారు. సమావేశంలో ఐకాస నాయకులు కార్తిక్‌, యోహషువా, రాజీవ్‌, అశోక్‌, హుసేన్‌ తదితరులు పాల్గొన్నారు.