19 నుంచి కాంట్రాక్ట్‌ ఉద్యోగుల ఆందోళన

సమావేశంలో మాట్లాడుతున్న సీఐటీయూ రాష్ట్ర కార్యదర్శి ఉమామహేశ్వరరావు

ఒంగోలు గ్రామీణం, న్యూస్‌టుడే: కాంట్రాక్ట్‌, అవుట్‌ సోర్సింగ్‌ ఉద్యోగుల సమస్యలపై ఈ నెల 19 నుంచి 21వ తేదీ వరకు కలెక్టరేట్‌ వద్ద ధర్నా నిర్వహించనున్నట్టు సీఐటీయూ రాష్ట్ర కార్యదర్శి ఉమామహేశ్వరరావు తెలిపారు. స్థానిక సీఐటీయూ కార్యాలయంలో ఆ సంఘం జిల్లా కార్యవర్గ సమావేశం సోమవారం నిర్వహించారు. ఈ సందర్భంగా ఆయన మాట్లాడుతూ.. రాష్ట్ర ప్రభుత్వం ఉద్యోగులను పీఆర్సీ విషయంలో మోసం చేసిందన్నారు. పాదయాత్ర సమయంలో ముఖ్యమంత్రి జగన్‌మోహన్‌రెడ్డి కాంట్రాక్ట్‌, అవుట్‌ సోర్సింగ్‌ ఉద్యోగులను రెగ్యులర్‌ చేస్తామని హామీ ఇచ్ఛి. ఇప్పుడు ఆ ఊసే ఎత్తడం లేదన్నారు. వారిని రెగ్యులర్‌ చేయడంతోపాటు, పీఆర్సీ వర్తింపజేయాలని డిమాండ్‌ చేశారు. సమావేశంలో సీఐటీయూ జిల్లా నాయకులు జి.శ్రీనివాసులు, చీకటి శ్రీనివాసరావు, కాలం సుబ్బారావు, పి.కల్పన, ఎం.వసంతరావు తదితరులు పాల్గొన్నారు.