ఉద్యోగిని ఆత్మహత్యాయత్నంపై విచారణ

ఏల్చూరులో విచారిస్తున్న మండల స్థాయి అధికారులు

సంతమాగులూరు: ధాన్యం కొనుగోలు విషయంలో రైతు బెదిరించిన నేపథ్యంలో ఏల్చూరు ఆర్బీకే-2 ఉద్యోగిని కె.ప్రసన్న ఆత్మహత్యాయత్నానికి పాల్పడ్డ ఉదంతంపై శుక్రవారం మండల స్థాయి అధికారులు విచారణ చేపట్టారు. తహసీల్దారు ఎం.వెంకటశివరామిరెడ్డి, ఎంపీడీవో టి.వి.కృష్ణకుమారి, ఏడీఏ, ఏవో, ఎస్‌ఐ తోపాటు అధికారుల బృందం ఏల్చూరులో విచారణ చేపట్టారు. ఘటన జరిగిన ప్రదేశాలను పరిశీలించారు. వివరాలు సేకరించి, నివేదిక తయారు చేశారు. బాధితురాలు ఇచ్చిన ఫిర్యాదుపై రైతు మలిరెడ్డి శ్రీనివాసరెడ్డి పై కేసు నమోదు చేసి దర్యాప్తు చేస్తున్నట్లు ఎస్‌ఐ శివన్నారాయణ తెలిపారు.