అర్హులందరికీ ప్రభుత్వ పథకాలు

సమీక్షా సమావేశంలో పాల్గొన్న అధికారులు, వివిధ శాఖల సిబ్బంది

చీరాల పట్టణం, న్యూస్‌టుడే: ప్రభుత్వ పథకాలు అర్హులైనవారందరికీ అందించేందుకు అందరూ కృషిచేయాలని కమిషనర్‌ సీహెచ్‌ మల్లేశ్వరరావు పేర్కొన్నారు. శనివారం పురపాలక సంఘ కార్యాలయంలోని కౌన్సిల్‌ సమావేశ మందిరంలో మోగా గ్రౌండింగ్‌ మేళా, ఓటీఎస్‌కు సంబంధించి ఆయా శాఖల సిబ్బందితో సమీక్షా సమావేశాన్ని నిర్వహించారు. ఈ సందర్భంగా కమిషనర్‌తోపాటు హౌసింగ్‌ డీఈ మాధవరావు తదితరులు మాట్లాడారు. కలెక్టర్‌ ఆదేశాల మేరకు ఈ నెల 25వతేదీన ఓటీఎస్‌ మేళను నిర్వహించనున్నట్లు చెప్పారు. ఇందుకు సంబంధించి లబ్ధిదారులకు అవగాహన కల్పించాలని సూచించారు. పట్టణంలో కొవిడ్‌ కేసులు పెరుగుతున్న తరుణంలో నిబంధనలను తప్పనిసరిగా పాటించాలని సూచించారు. ఆయా కార్యక్రమంలో హౌసింగ్‌ ఏఈ శ్రీనివాసులు, సచివాలయ సిబ్బంది, మెప్మా ఆర్పీలు తదితరులు పాల్గొన్నారు.