నగరంలో కార్పొరేషన్‌ ఛైర్మన్లు

ఛైర్మన్లతో చర్చిస్తున్న ఎస్సీ కార్పొరేషన్‌ ఈడీ శ్రీనివాస్‌ విశ్వనాథ్‌

ఒంగోలు గ్రామీణం, న్యూస్‌టుడే: జిల్లా పర్యటనలో భాగంగా మాల కార్పొరేషన్‌ ఛైర్మన్‌ పెదపాటి అమ్మాజీ, మాదిగ కార్పొరేషన్‌ ఛైర్మన్‌ కొమ్మూరి కనకారావు, రెల్లి కార్పొరేషన్‌ ఛైర్మన్‌ మధుసూదన్‌ శనివారం ఒంగోలు నగరానికి వచ్చారు. స్థానిక ఎన్నెఎస్పీ అతిథి గృహంలో బస చేశారు. వీరిని జిల్లా సాంఘిక సంక్షేమ శాఖ డీడీ ఎన్‌.లక్ష్మానాయక్, ఎస్సీ కార్పొరేషన్‌ ఈడీ శ్రీనివాస్‌ విశ్వనాథ్, దళిత సంఘాల నాయకులు మర్యాదపూర్వకంగా కలిసి పుష్పగుచ్ఛం అందజేశారు. ఈ సందర్భంగా జిల్లాలోని సంక్షేమ కార్యక్రమాల అమలుపై చర్చించారు. స్థానిక ప్రగతి భవన్‌లో ఆదివారం నిర్వహించనున్న సమావేశానికి హాజరుకానున్నారు.