బస్సు ఢీకొని దుప్పి మృతి

కళేబరాన్ని పరిశీలిస్తున్న రేంజర్‌ విశ్వేశ్వరరావు, సిబ్బంది

పెద్దదోర్నాల, న్యూస్‌టుడే: పెద్దదోర్నాల-శ్రీశైలం ఘాట్‌ రోడ్డులోని ఎకో టూరిజం సమీపంలో బస్సు ఢీకొని చుక్కల దుప్పి మృతి చెందిన సంఘటన ఆదివారం జరిగింది. దోర్నాల రేంజర్‌ విశ్వేశ్వరరావు తెలిపిన వివరాల ప్రకారం.. శ్రీశైలం నుంచి దోర్నాల వైపు వస్తున్న కర్ణాటక ఆర్టీసీ బస్సు ఎకోటూరిజం సమీపంలో రోడ్డు దాటుతున్న చుక్కల దుప్పిని ఢీకొట్టింది. దీంతో అది అక్కడికక్కడే మృతి చెందింది. దోర్నాల అటవీశాఖ చెక్‌పోస్టు వద్ద సిబ్బంది బస్సును అడ్డగించి డ్రైవర్‌ను అదుపులోకి తీసుకున్నారు. కేసు నమోదు చేసి దుప్పి కళేబరానికి పోస్టుమార్టం నిర్వహించి దహనం చేశారు.