పంచాయతీకి అప్పగించాలని తీర్మానం

మాట్లాడుతున్న సర్పంచి పద్మావతి, చిత్రంలో వార్డు సభ్యులు, తెదేపా నాయకులు

సి.ఎస్‌.పురం, న్యూస్‌టుడే: సి.ఎస్‌.పురంలోని డీజీపేట రహదారిలో రామాలయం దగ్గర ఉన్న నీటిశుద్ధి పథకాన్ని పంచాయతీకి అప్పగించాలని సర్పంచి ఎస్‌.పద్మావతి, ఉప సర్పంచి పి.నరసయ్య డిమాండ్‌ చేశారు. సర్పంచి నివాసంలో సోమవారం విలేకర్ల సమావేశం నిర్వహించారు. వైకాపా నాయకుడు పంచాయతీ స్థలంలో నిర్మించిన నీటిశుద్ధి పథకాన్ని పంచాయతీకి అప్పగించేలా తీర్మానం చేసినట్లు వివరించారు. పంచాయతీ కార్యదర్శి అధికార పార్టీ నాయకులు చెప్పిన విధంగా వ్యవహరిస్తూ సర్పంచి, పాలకవర్గానికి సహకరించడంలేదని ఆరోపించారు. నీటిశుద్ధి పథకం విద్యుత్తు మీటరును వైకాపా నాయకుడి పేరుపై కార్యదర్శి అనుమతించారని పేర్కొన్నారు. ఉన్నతాధికారులు స్పందించి పథకాన్ని పంచాయతీకి అప్పగించేలా చర్యలు తీసుకోవాలని కోరారు. కార్యక్రమంలో వార్డు సభ్యులు ఆర్‌.షాను, బి.కళావతి, బి.బాలయ్య, తెదేపా నాయకులు ఎం.శ్రీనివాసులు, పి.రవిచంద్ర, బి.శ్రీనివాసులు, జె.లక్ష్మీదేవి, బి.యాకోబు తదితరులు పాల్గొన్నారు.