ధ్రువతారలకు నివాళి

అద్దంకి, న్యూస్‌టుడే: సినీ వినీలాకాశంలో ఎన్టీఆర్‌, ఏఎన్‌ఆర్‌, కృష్ణకుమారి, గుమ్మడి వెంకటేశ్వరరావు, అంజలీదేవి ధ్రువతారలుగా నిలిచిపోతారని వక్తలు పేర్కొన్నారు. సంవత్సరాలు వేరైనా జనవరి నెలలోనే మృతి చెందిన వీరి సంస్మరణసభ అభ్యుదయనగర్‌ కేర్‌ అండ్‌ క్యూర్‌ ఆసుపత్రి ఆవరణలో బుధవారం సాయంత్రం నిర్వహించారు. కళామతల్లికి వారు చేసిన సేవలు చిరస్మరణీయమని నందమూరి కళాపరిషత్‌ అధ్యక్షుడు మన్నం త్రిమూర్తులు పేర్కొన్నారు. ఆర్టీసీ విశ్రాంత ఉద్యోగుల సంఘం అధ్యక్షుడు పీసీహెచ్‌ కోటయ్య అధ్యక్షతన నిర్వహించిన కార్యక్రమంలో లక్కరాజు శ్రీనివాసరావు, రాఘవరావు, నారాయణరావు, రఘురామశర్మ, వెంకట్రావు, రఘుచంద్‌, వెంకట సీతారామాంజనేయులు, షేక్‌ ఖాసిం, మస్తాన్‌, చిన్నా, హనుమంతరావు పాల్గొన్నారు.