రోడ్డు ప్రమాదంలో ఒకరి దుర్మరణం

మద్దిపాడు, న్యూస్‌టుడే: కారు ఢీకొని ఓ వ్యక్తి మృతిచెందిన సంఘటన మండలంలోని దొడ్డవరప్పాడు ప్రధాన కూడలిలో శుక్రవారం చోటుచేసుకుంది. పోలీసులు తెలిపిన వివరాల మేరకు.. ఒంగోలు రాజపానకాల రోడ్డుకు చెందిన చేజర్ల సుబ్బారావు(65) పెద కొత్తపల్లిలోని దర్గాకు వచ్చారు. అక్కడ పూజలు ముగిసిన అనంతరం తిరిగి ఇంటికి వెళ్తున్నారు. ఈ క్రమంలో దొడ్డవరప్పాడు వద్ద రహదారి నడుచుకుంటూ రహదారి దాటుతుండగా.. అదే సమయంలో అటుగా వేగంగా వస్తున్న కారు సుబ్బారావును బలంగా ఢీకొట్టింది. ఈ ప్రమాదంలో అతను అక్కడకక్కడే ప్రాణాలు విడిచారు. సమాచారం అందుకున్న పోలీసులు సంఘటనా స్థలానికి చేరుకుని వివరాలు సేకరించారు. మృతదేహాన్ని ఒంగోలు రిమ్స్‌కు తరలించి కేసు నమోదు చేసి దర్యాప్తు చేస్తున్నారు.