సార్వత్రిక ‘పది’ ఫలితాల్లో వెనుకబాటు

ఇంటర్‌లో 59 శాతం ఉత్తీర్ణత

ఒంగోలు నగరం, న్యూస్‌టుడే: ఈ ఏడాది ఏప్రిల్‌, మే నెలల్లో జరిగిన సార్వత్రిక (ఓపెన్‌ స్కూలు) పదోతరగతి, ఇంటర్మీడియట్‌ పరీక్షా ఫలితాలను శుక్రవారం విడుదల చేశారు. పదోతరగతిలో కేవలం 31.5 శాతం మాత్రమే ఉత్తీర్ణులవగా ఇంటర్‌లో 59 శాతం గట్టెక్కారు. సొసైటీ జిల్లా సమన్వయకర్త బి.శ్రీనివాసరెడ్డి వివరాలు తెలియజేశారు. పునఃపరిశీలన కోసం ఈనెల 27 నుంచి జులై 7 లోపు ఏదైనా ఆన్‌లైన్‌ కేంద్రం నుంచి దరఖాస్తు చేయాలన్నారు. అనుత్తీర్ణులైనవారికి ఆగస్టు 3 నుంచి 11 వరకు సప్లిమెంటరీ పరీక్షలు నిర్వహిస్తారన్నారు. పదోతరగతి విద్యార్థులకు ఉదయం 9 నుంచి 12 గంటల వరకు, ఇంటర్‌ వారికి మధ్యాహ్నం 2.30 నుంచి 5.30 వరకు పరీక్షలు ఉంటాయన్నారు.