భక్తిశ్రద్ధలతో మొహర్రం

పొదిలి పెద్దబస్టాండ్‌లో పీర్ల ఊరేగింపులో పాల్గొన్న భక్తులు

జిల్లాలోని ఒంగోలు, మార్కాపురం, తర్లుపాడు, పొదిలి, కనిగిరి, గిద్దలూరు, సంతనూతలపాడు, వై.పాలెం తదితర ప్రాంతాల్లో మంగళవారం భక్తిశ్రద్ధలతో మొహర్రం నిర్వహించారు. పీర్లను అలంకరించి ఊరేగించారు. తర్లుపాడు మండలం తుమ్మలచెరువు హజారత్‌ కాశింస్వామి దర్గాలో నిర్వహించిన కార్యక్రమానికి చుట్టుపక్కల ప్రాంతాలతో పాటు ఇతర జిల్లాల నుంచి దాదాపు 8 వేలమంది భక్తులు తరలివచ్చారు. మంగళకుంట నుంచి పీరు తీసుకువచ్చారు.  సోమవారం అర్ధరాత్రి రాత్రి నుంచి మంగళవారం ఉదయం వరకు కాశింస్వాములు గ్రామంలోని ప్రధాన కూడళ్లలో భక్తులకు దర్శనమిచ్చారు. పొదిలి పట్టణంలో పీర్లు సలాములు అందుకున్నాయి.

- న్యూస్‌టుడే, పొదిలి