జాతీయ స్థాయి పోటీలకు క్రీడాకారులు

క్రీడాకారులను అభినందిస్తున్న ఒంగోలు ఎంపీ మాగుంట శ్రీనివాసులురెడ్డి

ఒంగోలు గ్రామీణం, న్యూస్‌టుడే: ఈ నెల 19, 20, 21 తేదిల్లో ఉత్తరాఖండ్‌ రాష్ట్రంలోని డెహ్రాడూన్‌లో నిర్వహించనున్న జాతీయ స్థాయి రెజ్లింగ్‌ పోటీలకు ఎంపికైన క్రీడాకారులను ఒంగోలు ఎంపీ మాగుంట శ్రీనివాసులురెడ్డి అభినందించారు. ఈ నెల 6, 7 తేదిల్లో కర్నూలులో నిర్వహించిన రాష్ట్ర స్థాయి పోటీల్లో జిల్లాకు చెందిన క్రీడాకారులు ప్రతిభ కనబరిచారు. ఈ సందర్భంగా జిల్లా నుంచి అండర్‌-13, అండర్‌-15 బాల, బాలికల విభాగంలో జాతీయ స్థాయి పోటీలకు ఎంపికయ్యారు. ఈ మేరకు వారిని శనివారం ఏర్పాటు చేసిన ఒక కార్యక్రమంలో ఎంపీ అభినందించారు. కార్యక్రమంలో రెజ్లింగ్‌ శిక్షకురాలు కోటేశ్వరి, హరిప్రియ, పీడీలు జ్యోష్నాదేవి, అశోక్‌బాబు, రెజ్లింగ్‌ అసోసియేషన్‌ జిల్లా సంఘం అధ్యక్షురాలు హజీరా బేగం, కార్యదర్శి సురేష్‌రెడ్డి పాల్గొన్నారు.