ఒక్క పోస్టుకు 313 మంది

పరీక్ష రాస్తున్న విద్యార్థులు

పెద్దదోర్నాల, న్యూస్‌టుడే : నల్లమలలోని తుమ్మలబైలు సమీపంలో ఉన్న ఎకోటూరిజంలో ఒప్పంద పద్ధతిలో సహాయ సూపర్‌వైజర్‌ నియామకానికి అటవీశాఖ సోమవారం పరీక్ష నిర్వహించింది. ఈ పోస్టుకు 453 మంది నిరుద్యోగులు దరఖాస్తు చేసుకోగా వారిలో 313 మంది పరీక్షకు హాజరయ్యారు. దోర్నాల అటవీ క్షేత్రాధికారి విశ్వేశ్వరరావు పర్యవేక్షణలో అటవీ సిబ్బంది స్థానిక ప్రభుత్వ ఉన్నత పాఠశాలలో పరీక్ష నిర్వహించారు. పరీక్ష రాసిన వారిలో అత్యధిక మార్కులు సాధించిన 30 మందికి రేంజర్‌ విశ్వేశ్వరరావు, ప్రభుత్వ జూనియర్‌ కళాశాల ప్రిన్సిపల్‌ మహాలక్ష్మమ్మ, జిల్లా ఎన్‌జీసీ కోఆర్డినేటర్‌ సజీవరాజులు ముఖాముఖి నిర్వహించారు.