ఆ నిర్లక్ష్యం ఖరీదు.. రెండు ప్రాణాలు
వారిద్దరివీ నిరుపేద కుటుంబాలు.. చిరు వ్యాపారాలు చేసుకుంటేనే జీవనం గడిచేది. వ్యాపారంలో భాగంగా అవసరమైన బిందెలు కొనుగోలు చేసేందుకు ఇళ్ల నుంచి బయలుదేరిన వీరిని మృత్యువు రోడ్డు ప్రమాదం రూపంలో వెంటాడింది.
ఆగి ఉన్న ద్విచక్ర వాహనాన్ని ఢీకొన్న ఆర్టీసీ బస్సు
అక్కడికక్కడే ఇద్దరు చిరు వ్యాపారుల దుర్మరణం
మార్కాపురం నేర విభాగం, న్యూస్టుడే: వారిద్దరివీ నిరుపేద కుటుంబాలు.. చిరు వ్యాపారాలు చేసుకుంటేనే జీవనం గడిచేది. వ్యాపారంలో భాగంగా అవసరమైన బిందెలు కొనుగోలు చేసేందుకు ఇళ్ల నుంచి బయలుదేరిన వీరిని మృత్యువు రోడ్డు ప్రమాదం రూపంలో వెంటాడింది. ఆర్టీసీ బస్సు డ్రైవర్ నిర్లక్ష్యంగా నడిపి ఢీకొనడంతో అక్కడికక్కడే ప్రాణాలు కోల్పోయారు. ఈ ఘటన తర్లుపాడు మండలం లింగారెడ్డి కాలనీ సమీపంలో మంగళవారం మధ్యాహ్నం చోటుచేసుకుంది. ఇరు కుటుంబాలకు చెందిన ముక్కు పచ్చలారని తొమ్మిదిమంది చిన్నారులకు చిరునవ్వును దూరం చేసింది.
మార్కాపురం పట్టణం రాజీవ్నగర్ శివారు కాలనీలో నివాసముండే విబూది పెద్ద మౌలాలి(33), పరిగ సుబ్బరాయుడు(28).. ప్లాస్టిక్ బిందెలను ఒంగోలు, నంద్యాల నుంచి తెచ్చి ద్విచక్ర వాహనాలపై చుట్టుపక్కల గ్రామాల్లో విక్రయిస్తుంటారు. వరుసకు వీరిద్దరు బావబావమరుదులు. మంగళవారం పెద్ద మౌలాలి, సుబ్బరాయుడుతో పాటు సమీప బంధువులైన చిన మౌలాలి, శ్రీనివాసులు కలిసి రెండు రెండు ద్విచక్ర వాహనాలపై సరకు కోసం ఒంగోలు బయలుదేరి వెళ్లారు. జాతీయ రహదారి 544డిపై ప్రయాణిస్తూ తర్లుపాడు మండలం లింగారెడ్డి కాలనీ సమీప అటవీశాఖ నర్సరీ వద్దకు చేరుకున్నారు. ఈ క్రమంలో పెద్దమౌలాలికి ఫోన్ రావడంతో రహదారి అంచున ద్విచక్ర వాహనం ఆపి మాట్లాడుతున్నాడు. అదే సమయంలో మార్కాపురం నుంచి ఒంగోలు వెళ్తున్న మార్కాపురం డిపో బస్సు (ఏపీ27జడ్0322) వీరి ద్విచక్ర వాహనాన్ని ఢీకొట్టింది. దానిపైనే ఉన్న పెద్దమౌలాలి, సుబ్బరాయుడు అక్కడికక్కడే మృతి చెందారు. సమాచారం తెలిసి అక్కడికి చేరుకున్న ఇరు కుటుంబాల సభ్యులు మృతదేహాలను చూసి కన్నీరుమున్నీరుగా విలపించారు. పొదిలి సీఐ సుధాకర్ బాబు, తర్లుపాడు ఎస్సై ముక్కంటి, మార్కాపురం గ్రామీణ ఎస్సై సుమన్ చేరుకొని ప్రమాదం జరిగిన తీరును పరిశీలించారు. మృతదేహాలను మార్కాపురం ప్రభుత్వ జిల్లా వైద్యశాలకు తరలించారు.
అయ్యో.. చిన్నారులూ
ప్రమాదంలో మృతి చెందిన పెద్దమౌలాలికి పధ్నాలుగేళ్ల క్రితం లక్ష్మీతో వివాహమైంది. వారికి కుమార్తెలు మహాలక్ష్మి(12), గాయత్రి (10), కుమారులు పెద్దరంగయ్య(9), చిన రంగయ్య(4), గణేష్ (2) సంతానం. సుబ్బరాయుడుకు భార్య లక్ష్మీ, కుమార్తెలు రమ్యశ్రీ(7), శ్రీలక్ష్మి (4), కుమారులు పెద్దరంగయ్య(2), చిన్నరంగయ్య(1) ఉన్నారు. ఇరు కుటుంబాలకు చెందిన వారు పెద్దదిక్కు కోల్పోవడంతో ఆ తొమ్మిది మంది చిన్నారులకు ఆధారం లేకుండాపోయింది. మౌలాలి, సుబ్బరాయుడుల తల్లిదండ్రులు కూడా వృద్ధులు. వారి పోషణ సైతం ఇప్పుడు ప్రశ్నార్థకమైంది. మార్కాపురం ఆసుపత్రి వద్దకు వారంతా చేరుకొని గుండెలు పగిలేలా రోదించారు.
మార్కాపురం వైద్యశాల వద్ద రోదిస్తున్న కుటుంబసభ్యులు
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
డీఎస్పీలొస్తుంటారు.. పోతుంటారు ఆ కంత్రీ కానిస్టేబుళ్లు లోకల్
[ 28-03-2024]
పశ్చిమంలోని కీలకమైన పోలీస్ సబ్ డివిజన్ కేంద్రంలో ఇద్దరు కానిస్టేబుళ్లు దీర్ఘకాలికంగా విధులు నిర్వర్తిస్తున్నారు. అధికార పార్టీ నేతలపై ఎనలేని స్వామి భక్తి చాటుకుంటున్నారు. కార్యాలయంలోని కీలక సమాచారాన్ని ఎప్పటికప్పుడు వారికి చేరవేస్తున్నారు. -
కారు, లారీ ఢీ.. ముగ్గురు మృతి
[ 28-03-2024]
టంగుటూరు టోల్ప్లాజా వద్ద రోడ్డు ప్రమాదం చోటు చేసుకుంది. -
తలుపు తట్టనున్న ఓటు
[ 28-03-2024]
సార్వత్రిక ఎన్నికల శంఖం మోగింది. ఈసీ ఇప్పటికే షెడ్యూల్ విడుదల చేసింది. మే 13న పోలింగ్ ఉండనుంది. గత ఎన్నికలకు భిన్నంగా ఈ సారి ఓ సువర్ణావకాశానికి తెర లేపింది. -
రూ.45 లక్షల విలువైన డబ్బు, మద్యం స్వాధీనం
[ 28-03-2024]
ఓటర్లను ప్రలోభ పెట్టేందుకు తరలిస్తున్నట్లుగా అనుమానించిన సుమారు రూ.45 లక్షల విలువైన డబ్బు, మద్యం, ఇతర వస్తువులను ఇప్పటి వరకు స్వాధీనం చేసుకున్నట్లు కలెక్టర్ దినేష్ కుమార్ తెలిపారు. -
దర్శి బరిలో నిలిచేదెవరు!
[ 28-03-2024]
జిల్లా రాజకీయాలను ఉత్కంఠతో ఊపేస్తున్న నియోజకవర్గం దర్శి. ఇక్కడి నుంచి తెదేపా కూటమి అభ్యర్థి ఎవరన్నది ఇంకా తేలలేదు. -
త్వరలో మూడు చోట్ల జనసేన సభలు, రోడ్షోలు
[ 28-03-2024]
ఒంగోలు ఎంపీ మాగుంట శ్రీనివాసులురెడ్డి జనసేన అధినేత పవన్కల్యాణ్ను మంగళగిరిలోని కార్యాలయంలో బుధవారం మర్యాదపూర్వకంగా కలిశారు. -
కీలుబొమ్మల స్వామిభక్తి
[ 28-03-2024]
ప్రజాధనాన్ని తాము వేతనంగా పొందుతున్నామనే విషయాన్ని పలువురు వాలంటీర్లు విస్మరిస్తున్నారు. ఫక్తు వైకాపా కార్యకర్తల అవతారమెత్తారు. -
ఎన్నికల వేళ.. ఎన్ని విచిత్రాలో అన్నా
[ 28-03-2024]
అయిదేళ్లుగా అభివృద్ధి పనులు ఎక్కడికక్కడ పడకేశాయి. చిన్నపాటి మరమ్మతులు.. వీధి దీపాల ఏర్పాటు వంటి వాటిని కూడా గాలికొదిలేసిన పాలకులకు ఎన్నికల వేళ జ్ఞానోదయం అయింది. -
ఎన్నికల సంఘం ఆదేశాలు బేఖాతరు
[ 28-03-2024]
ఎన్నికల ప్రచారం, ఇతరత్రా రాజకీయ కార్యక్రమాల్లో పాల్గొంటే కఠిన చర్యలు తప్పవన్న ఎన్నికల సంఘం ఆదేశాలను కొందరు వాలంటీర్లు బేఖాతరు చేస్తున్నారు. ఇప్పటికే పలువురిపై వేటు చేసినా.. వారు గడిన పడటం లేదు. -
భారీగా అక్రమ మద్యం స్వాధీనం
[ 28-03-2024]
అర్థవీడు మండలం పోతురాజుటూరు- యాచవరం గ్రామాల నడుమ కారులో అక్రమంగా తరలిస్తున్న మద్యం సీసాలను స్వాధీనం చేసుకొని ఇద్దరి వ్యక్తులను అరెస్టు చేసినట్లు మార్కాపురం సెబ్ డీఎస్పీ దుర్గాప్రసాద్ తెలిపారు. -
ఆక్వాలో ఉపాధికి అపార అవకాశం
[ 28-03-2024]
ఆక్వారంగం నేడు ఎంతోమందికి ప్రత్యక్షంగా, పరోక్షంగా ఆదుకుంటోందని, ఇందులో ఉపాధికి అపార అవకాశాలున్నాయని ఆంధ్రకేసరి విశ్వ విద్యాలయం ఉప కులపతి ఎం.అంజిరెడ్డి అన్నారు. -
విద్యార్థినులను వేధిస్తున్న ఆకతాయిలకు దేహశుద్ధి
[ 28-03-2024]
పదో తరగతి పరీక్షలు రాసి వస్తున్న విద్యార్థినులను కొందరు ఆకతాయిలు వేధిస్తుండగా, బాలికల బంధువులు దేహశుద్ధి చేసి పోలీసులకు అప్పగించారు. -
ఒంగోలు ఆర్వోపై కలెక్టర్ ఆగ్రహం
[ 28-03-2024]
ఎన్నికల విధుల్లో నిర్లక్ష్యంగా వ్యవహరిస్తున్న ఒంగోలు ఆర్డీవో, నియోజకవర్గ రిటర్నింగ్ అధికారి జీవీ.సుబ్బారెడ్డిపై కలెక్టర్ దినేష్ కుమార్ ఆగ్రహం వ్యక్తం చేశారు. -
కమనీయం.. ప్రతిష్ఠా మహోత్సవం
[ 28-03-2024]
శ్రీదేవి, భూదేవి సమేత కల్యాణ వేంకటేశ్వర స్వామి విగ్రహ ప్రతిష్ఠా మహోత్సవాన్ని సంతనూతలపాడులో బుధవారం కనులపండువగా నిర్వహించారు. -
ముగిసిన పదో తరగతి ప్రధాన పరీక్షలు
[ 28-03-2024]
పదో తరగతి ప్రధాన పరీక్షలు బుధవారంతో ముగిశాయి. సంస్కృతం, వృత్తి విద్యకు సంబంధించినవి ఈ నెల 30 వరకు కొనసాగుతాయి. -
జీజీహెచ్లో రోగుల భోజనంపై విచారణ
[ 28-03-2024]
సర్వజన ఆసుపత్రిలో రోగులకు నాణ్యతలేని భోజనం పెడుతున్నట్లు వచ్చిన ఫిర్యాదులపై వైద్య విద్య డైరెక్టరేట్ విభాగం అధికారులు స్పందించారు.
తాజా వార్తలు (Latest News)
-
కాంగ్రెస్లో చేరనున్న కె.కేశవరావు, మేయర్ విజయలక్ష్మి
-
అనధికారిక లావాదేవీలపై యూజర్ల ఆందోళన.. స్పందించిన యాక్సిస్ బ్యాంక్
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
ఎన్నికల ముంగిట.. అవినీతి కేసులో ప్రఫుల్ పటేల్కు క్లీన్ చిట్
-
భవిష్యత్ తరాల కోసం తెదేపాకు ఓటు వేయాలి: భువనేశ్వరి
-
పూజాహెగ్డే ‘స్పై’ ఫొటో.. ప్రగ్యా ‘పోజు’ రిపీట్.. మెహందీతో కావ్య!