గడప గడపలో అపశ్రుతి

గేదె దూసుకురావడంతో కిందపడిన ఎమ్మెల్యే.. మరో ఇద్దరికి గాయాలు

గేదె జనంలోకి రావడంతో సమీప భవనం పైకి వెళ్తున్న మద్దిశెట్టి

ముండ్లమూరు, న్యూస్‌టుడే: ముండ్లమూరు మండలంలోని చింతలపూడి గ్రామంలో బుధవారం శాసనసభ్యుడు మద్దిశెట్టి వేణుగోపాల్‌ నిర్వహించిన ‘గడప గడపకు మన ప్రభుత్వం’లో అపశ్రుతి చోటుచేసుకుంది. బుధవారం ఈ కార్యక్రమంలో భాగంగా చంద్రమౌళి అనే వ్యక్తి ఇంటికి మద్దిశెట్టి వెళ్లారు. అదే సమయంలో ఇంటి ముందు ఉన్న గేదె అక్కడి జనాలను చూసి బెదిరింది. తాడు తెంచుకొని దూసుకురావడంతో జనం పరుగులు తీశారు. ఈ క్రమంలో మద్దిశెట్టి కిందపడిపోయారు. వెంటనే తేరుకోని పక్కకు వెళ్లడంతో ప్రమాదం తప్పింది. గేదె ఢీకొనడంతో ఎంపీటీసీ సభ్యుడు దాసరి పెద్దఅంజయ్య, చంద్రమౌళికి స్వల్ప గాయాలయ్యాయి.