త్రిముఖ దుర్గాంబ సేవలో న్యాయమూర్తులు

ఆలయానికి వెళ్లే మార్గంలో జిల్లా ప్రధాన న్యాయమూర్తి భారతి, కనిగిరి జడ్జి భరత్‌ చంద్ర, ఇతర అధికారులు

సీఎస్‌పురం, న్యూస్‌టుడే: జిల్లాలో ప్రసిద్ధి గాంచిన శైవ పుణ్యక్షేత్రం, పర్యాటక కేంద్రం భైరవకోనను జిల్లా ప్రధాన న్యాయమూర్తి ఎ.భారతి, వారి కుమారులు కనిగిరి జూనియర్‌ సివిల్‌ న్యాయమూర్తి భరత్‌ చంద్ర శుక్రవారం దర్శించారు. జలపాతాన్ని వీక్షించి, కాల భైరవేశ్వర స్వామి, త్రిముఖ దుర్గాంబను దర్శించుకుని వారు మొక్కులు తీర్చుకున్నారు. ఈవో నర్రా నారాయణరెడ్డి, అర్చకులు స్వామి వారి శేష వస్త్రాలను అందించారు. వారి వెంట సీఎస్‌పురం, హనుమంతునిపాడు ఎస్సైలు పి.అనిల్‌ కుమార్‌, కృష్ణపావని, ఆలయ సిబ్బంది ఉన్నారు.