74.84 ఎకరాల్లో రిజిస్ట్రేషన్ల నిలిపివేత

కనిగిరి, న్యూస్‌టుడే: మున్సిపాలిటీ పరిధిలో ప్రభుత్వ అనుమతి లేకుండా స్థిరాస్తి వ్యాపారులు పట్టా, అసైన్డ్‌ భూముల్లో వేసిన అక్రమ వెంచర్లపై ‘ఈనాడు’లో వరుస కథనాలకు ఉన్నతాధికారులు స్పందించారు. ఈ నెల 25న సైతం ‘అక్రమ వెంచర్లకు అడ్డుకట్ట ఎక్కడ’ శీర్షికన కథనం ప్రచురితమైంది. దీనికి స్పందించిన కలెక్టర్‌, జిల్లా అధికారుల ఆదేశాలతో కమిషనర్‌ నారాయణరావు కనిగిరి పట్టణ పరిధిలోని అనుమతి లేకుండా 13 లేఅవుట్లలో వేసిన 74.84 ఎకరాలను గుర్తించారు. వీటిలో క్రయ విక్రయాలు జరపకూడదని ఆయా సర్వేనంబర్లలో ఎలాంటి రిజిస్ట్రేషన్లు చేయకూడదని డీటీసీకి శుక్రవారం రాత్రి నివేదిక పంపినట్లు తెలిపారు.