మహాత్ముడి స్మృతి పథంలో...

ప్రదర్శన తిలకిస్తున్న విద్యార్థులు

మహాత్ముడి వర్ధంతి సందర్భంగా పొదిలి ప్రభుత్వ బాలికల ఉన్నత పాఠశాలలో ఎంఈవో ఎం.శ్రీనివాసులు ఆధ్వర్యంలో నిర్వహించిన గాంధీ జ్ఞాపకాల ప్రదర్శన ఆకట్టుకుంది. ఆయన సేకరించిన... బాపూజీ రచనలు, దేశ విదేశాల్లో గాంధీ పేరిట విడుదల చేసిన తపాలా స్టాంపులు, కవర్లు, కార్డులు, బ్రోచర్లతో పాటు... ఆయన జీవితానికి సంబంధించిన 200కు పైగా పుస్తకాలను ప్రదర్శనలో ఉంచారు. వివిధ పాఠశాలల విద్యార్థులు వీటిని ఆసక్తిగా తిలకించారు. ఆర్య వైశ్య సంఘం నాయకుడు సోమిశెట్టి చిరంజీవి ప్రదర్శనను ప్రారంభించారు. ఈ సందర్భంగా  నిర్వహించిన చిత్రలేఖనం, వ్యాసరచన పోటీల విజేతలకు బహుమతులు అందజేశారు. ఉపాధ్యాయులు, ఆర్యవైశ్య సంఘం నాయకులు, వివిధ శాఖల అధికారులు పాల్గొన్నారు. భావితరాలకు మహాత్ముడి గొప్పతనం తెలియజేయాలన్న లక్ష్యంతో... ఆయనకు సంబంధించిన సమాచారం సేకరించి ప్రదర్శనలు ఏర్పాటు చేస్తున్నట్లు ఎంఈవో శ్రీనివాసులు తెలిపారు.

విదేశాల్లో మహాత్ముడి చిత్రంతో ముద్రించిన కవర్లు

గాంధీజీ పేరిట విడుదల చేసిన స్టాంపులు

న్యూస్‌టుడే, పొదిలి