అనుమానాస్పద స్థితిలో వీఆర్‌ఏ మృతి

కాశయ్య (పాత చిత్రం)

దర్శి, న్యూస్‌టుడే: అనుమానాస్పద స్థితిలో వీఆర్‌ఏ మృతి చెందారు. దర్శి ఎస్సై రామకృష్ణ, స్థానికులు తెలిపిన వివరాలు ఇలా ఉన్నాయి. రాజంపల్లికి చెందిన రాచపూడి కాశయ్య (43) వీఆర్‌ఏగా విధులు నిర్వహిస్తున్నారు. ఆయన తల్లి, సోదరి నివాసముంటున్న రామలేడు గ్రామానికి వెళ్లేందుకు గురువారం ద్విచక్ర వాహనంపై బయలుదేరారు. తరువాత... కొత్తపల్లి సమీపంలోని ముసి వాగులో విగతజీవిగా కనిపించారు. అటుగా వెళ్లిన స్థానికులు గమనించి కుటుంబీకులకు సమాచారం ఇచ్చారు. పోలీసులు ఘటనా స్థలానికి చేరుకుని వివరాలు సేకరించారు. మృతుడికి భార్య సునీత, ఇద్దరు కుమార్తెలు ఉన్నారు. మద్యం తాగి ద్విచక్ర వాహనంపై వెళ్తూ ప్రమాదానికి గురై ఉండొచ్చని భావిస్తున్నారు. కుటుంబీకుల ఫిర్యాదు మేరకు కేసు నమోదు చేశారు. మృతదేహాన్ని పరీక్ష నిమిత్తం దర్శి ప్రభుత్వ వైద్యశాలకు తరలించారు.