లారీ ఢీకొని వృద్ధుడి దుర్మరణం

కొండపి, న్యూస్‌టుడే: రోడ్డు దాటుతున్న వృద్ధుడిని లారీ ఢీకొనడంతో ఆయన మృతిచెందారు. కుటుంబ సభ్యులు తెలిపిన వివరాల ప్రకారం ..నాగులూరి కోటయ్య (70) గ్రామంలోని జాళ్లపాలెం రోడ్డులో చెరువు వద్ద నివసిస్తున్నారు. శనివారం ఉదయం కుటుంబ సభ్యులకు చెప్పి రిక్షా తీసుకొని బయల్దేరిన కొంతసేపటికే ఎదురుగా వచ్చిన లారీ కిందపడి చనిపోయారు. లారీని స్టేషన్‌కు తరలించారు. ఎస్సై కె.రామకృష్ణ కేసు నమోదు చేశారు.

మనస్తాపంతో...: కొండపి: మనస్తాపంతో వృద్ధుడు ఆత్మహత్య చేసుకొన్న సంఘటన మండలంలోని పెరిదేపిలో శనివారం చోటుచేసుకొంది. ఎస్సై రామకృష్ణ తెలిపిన వివరాల ప్రకారం ... గ్రామంలోని ఆది ఆంధ్రావాడకు చెందిన ఎ.యోహాను (58) భార్య ఇటీవల చనిపోవడం ..ఇద్దరు కుమార్తెలకు వివాహం కాకపోవడంతో మనస్తాపానికి గురయ్యారు. శనివారం ఇంట్లోని శ్లాబుకు తాడుతో ఉరేసుకొని చనిపోయారు.