ముళ్ల కంపల్లో ఓఆర్‌ఎస్‌

దొనకొండలోని కస్తూర్బా గాంధీ బాలికల గురుకుల పాఠశాలలో ఇటీవల విద్యార్థినులు అస్వస్థతకు గురైన విషయం తెలిసిందే. పాలలో పసుపు, మిరియాల పొడి కలిపి తాగడంతో వారంతా అనారోగ్యానికి గురై ఆసుపత్రిలో చికిత్స పొందారు. ఈ తరుణంలో ఆ పాఠశాల సమీపంలోని ముళ్ల కంపల్లో ఈ ఏడాది మే నెల వరకు కాలపరిమితి ఉన్న ఓఆర్‌ఎస్‌ ప్యాకెట్లు పెద్ద సంఖ్యలో పడి కనిపించాయి. వాటిని ఇక్కడ ఎవరు పడవేశారో తెలియడంలేదు. జ్వరం, నీరసం, వాంతులు అవుతున్న వారికి వీటిని ఇస్తుంటారు. ప్రభుత్వ ఆసుపత్రి వైద్యురాలు సునీత వద్ద ప్రస్తావించగా తమకు సమాచారం అందడంతో మంగళవారం సాయంత్రం వెళ్లి చూశామన్నారు. అప్పటికే అక్కడ మాయమయ్యాయని, తమకు ఒక్కటీ కనిపించలేదన్నారు. కాలపరిమితి అయిపోయినవి కూడా వైద్యశాలలో అప్పగించాలని, దీనిపై విచారణ చేపడతామని తెలిపారు.

న్యూస్‌టుడే, దొనకొండ