ప్రజా న్యాయవాది రాఘవరాణి

సభలో ప్రసంగిస్తున్న హైకోర్టు న్యాయమూర్తి  మన్మథరావు, వేదికపై ఇతర ప్రతినిధులు

ఒంగోలు గ్రామీణం, న్యూస్‌టుడే: ప్రజా న్యాయవాది, మహిళా ఉద్యమ నాయకురాలు రాఘవరాణి అని హైకోర్టు న్యాయమూర్తి కె.మన్మథరావు పేర్కొన్నారు. ఒంగోలులోని అంబేడ్కర్‌ భవన్‌లో శనివారం నిర్వహించిన మట్లె రాఘవరాణి ప్రథమ వర్ధంతి సభలో ముఖ్య అతిథిగా ప్రసంగించారు. రాఘవరాణి, వెంకటసుబ్బయ్యతో ఉన్న అనుబంధం... తనలో సామాజిక ప్రేరణకు కారణమన్నారు. తద్వారా ప్రజల మధ్య ఉండి న్యాయవాద వృత్తిని కొనసాగించాలన్న ఉత్సాహం కలిగిందని వివరించారు. వారిద్దరి త్యాగాలు అందరికీ ఆదర్శనీయమన్నారు. ముందుగా వారి చిత్రపటాలకు పూలమాల వేసి నివాళులర్పించారు. కార్యక్రమంలో చీరాల ఎమ్మెల్యే కరణం బలరామకృష్ణమూర్తి, ఓపీడీఆర్‌ రాష్ట్ర అధ్యక్షుడు చావలి సుధాకర్‌రావు, ప్రజా సంఘాల నాయకులు పి.గోవిందయ్య, సూర్యకుమారి, బీవీఎన్‌ స్వామి, టి.అరుణ, నూకతోటి బాబూరావు, బి.పరంజ్యోతి, నార్నె వెంకట సుబ్బయ్య తదితరులు పాల్గొన్నారు.