‘జలధార’లో ఎస్సీ రైతులకు రాయితీ

ఒంగోలు గ్రామీణం: అమ్రిత్‌ జలధార పథకం కింద నీటి వసతి కల్పించేందుకు ఎస్సీ రైతులకు ప్రాజెక్ట్‌ ఖరీదులో రూ.50 వేల వరకు రాయితీ ఇవ్వనున్నట్లు కలెక్టర్‌ దినేష్‌కుమార్‌ తెలిపారు. ప్రకాశం భవన్‌లో శనివారం సమీక్షించారు. కనీసం 2.50 ఎకరాల భూమి కలిగి ఉండి, వార్షికాదాయం రూ.3 లక్షల లోపు ఉన్న ఎస్సీ రైతులు అర్హులన్నారు. స్వయం ఉపాధి కోసం ట్రాక్టర్‌, ట్రాలీ, ఇతర వాహనాలకు ఆర్థికసాయం కింద రూ.60 వేల వరకు ఇవ్వనున్నట్లు వివరించారు. అర్హులైనవారు దరఖాస్తులను ఈ నెల 27లోపు ఒంగోలు ప్రగతిభవన్‌లోని ఎస్సీ కార్పొరేషన్‌ కార్యాలయంలో అందజేయాలన్నారు.