బాలలను పనిలో పెట్టుకుంటే కఠిన చర్యలు

దుకాణాల్లో తనిఖీలు నిర్వహిస్తున్న ఉప కమిషనర్‌  శ్రీనివాసకుమార్‌, ఇతర అధికారులు

ఒంగోలు గ్రామీణం, న్యూస్‌టుడే: బాల కార్మిక వ్యవస్థ నిర్మూలనలో భాగంగా రాష్ట్ర కార్మిక శాఖ కమిషనర్‌ ఆదేశాల మేరకు ఒంగోలు నగరంలోని బండ్లమిట్ట, గాంధీరోడ్డు, కూరగాయల మార్కెట్‌ ప్రాంతాల్లో అధికారులు తనిఖీలు నిర్వహించారు. అక్కడ దుకాణాల్లో పనిచేస్తున్న ఇద్దరు బాల కార్మికులను గుర్తించి బాలల సంక్షేమ కమిటీకి అప్పగించారు. పిల్లలతో పనిచేయిస్తే సంబంధిత దుకాణ యాజమానులపై చట్టపరమైన చర్యలు తీసుకుంటామని ఉప కమిషనర్‌ ఎస్‌.శ్రీనివాసకుమార్‌ హెచ్చరించారు. కార్యక్రమంలో సహాయ కార్మిక కమిషనర్‌ బి.అనితావాణి, సహాయ కార్మిక అధికారి ఎం.ఎలిజబెత్‌, డీసీపీవో దినేష్‌కుమార్‌, పోలీసు సిబ్బంది పాల్గొన్నారు.