కార్డున్నా ఉపాధి పనులకు రానివ్వడం లేదు

అర్జీలు ఇచ్చేందుకు వరుసలో నిల్చున్న ప్రజలు

ఒంగోలు గ్రామీణం, న్యూస్‌టుడే: ప్రజల సమస్యల పరిష్కారమే ధ్యేయంగా అధికారులు పనిచేయాలని కలెక్టర్‌ దినేష్‌కుమార్‌ పేర్కొన్నారు. ప్రకాశం భవన్‌లో సోమవారం నిర్వహించిన స్పందనలో ప్రజల నుంచి అర్జీలు స్వీకరించారు. ఈ సందర్భంగా మాట్లాడుతూ... స్పందన అర్జీల పరిష్కారంలో నిర్లక్ష్యంగా వ్యవహరించే అధికారులపై కఠిన చర్యలు తీసుకుంటామని హెచ్చరించారు. కార్యక్రమంలో జేసీ కె.శ్రీనివాసులు, శిక్షణ కలెక్టర్‌ శౌర్య పటేల్‌, డీఆర్వో ఆర్‌.శ్రీలత, ఎస్‌డీసీలు లోకేశ్వరరావు, చెన్నయ్య, వివిధ శాఖల అధికారులు పాల్గొన్నారు.

* సాదా బైనామా కోసం అర్జీ చేసి రెండు నెలలు పూర్తయినా... ఇప్పటివరకు ఎలాంటి విచారణ చేపట్టలేని మార్కాపురం మండలం పెద్ద నాగులవరం గ్రామానికి చెందిన వెంకటరామిరెడ్డి కలెక్టర్‌కు ఫిర్యాదు చేశారు.

* తమకు కార్డు ఉన్నా ఉపాధి పనులకు రానివ్వడం లేదని కనిగిరి మండలం పునుగోడుకు చెందిన ఎం.సుబ్బారెడ్డి అధికారుల వద్ద వాపోయారు.