మద్యం అమ్మకాలు వద్దని తీర్మానం

తీర్మాన పత్రాన్ని సచివాలయ అధికారులకు అందజేస్తున్న సర్పంచి మల్లేశ్వరరావు

వజ్రపుకొత్తూరు గ్రామీణం, న్యూస్‌టుడే: మద్యం అమ్మకాలు జరపరాదంటూ వజ్రపుకొత్తూరు మండలం అనంతగిరి పంచాయతీ ప్రజలు తీర్మానించారు. సోమవారం గ్రామ సర్పంచి కె.మల్లేశ్వరరావు నేతృత్వంలో గ్రామస్థులు ఈ మేరకు నిర్ణయించారు. సచివాలయ అధికారులకు రాతపూర్వకంగా వినతిపత్రం అందించారు. వెంకటాపురం, అనంతగిరి కాలనీ పరిసరాల్లో అక్రమ మద్యం అమ్మకాలు విచ్చలవిడిగా జరుగున్నాయని, దీంతో గ్రామంలో ఘర్షణలు పెరిగి ఇబ్బందికర పరిస్థితులు తలెత్తుతున్నందున ఈ నిర్ణయం తీసుకున్నట్లు సర్పంచి తెలిపారు. ఇందుకు వ్యతిరేకంగా ఎవరైనా మద్యం అమ్మితే కఠిన చర్యలుంటాయని హెచ్చరించారు.