విపత్తుల నిర్వహణలో అధికారుల పాత్రే కీలకం

మాట్లాడుతున్న కలెక్టర్‌ శ్రీకేష్‌ బి.లఠ్కర్‌, చిత్రంలో ఇతర అధికారులు

గుజరాతీపేట(శ్రీకాకుళం), న్యూస్‌టుడే: ప్రకృతి విపత్తుల నిర్వహణలో అధికారుల పాత్ర కీలకమని, అంతా సిద్ధంగా ఉండాలని, కలెక్టర్‌ శ్రీకేష్‌ బి.లఠ్కర్‌ పేర్కొన్నారు. శ్రీకాకుళంలోని జిల్లా పరిషత్తు సమావేశ మందిరంలో ఆదివారం ప్రకృతి విపత్తులపై రెడ్‌క్రాస్‌ ఆధ్వర్యంలో అధికారులకు నిర్వహించిన శిక్షణ కార్యక్రమాన్ని ఆయన ప్రారంభించి మాట్లాడారు. విపత్తు నిర్వహణ, ప్రభావాలు, ప్రమాదాలు, సామర్థ్యం, అంచనా, ముందస్తు సందేశాలు తదితర అంశాలపై రెడ్‌క్రాస్‌ ప్రతినిధులు అవగాహన కల్పించారు. రెడ్‌క్రాస్‌ జిల్లా అధ్యక్షుడు పి.జగన్మోహనరావు, కార్యదర్శి బలివాడ మల్లేశ్వరరావు, డీఆర్‌డీఏ పీడీ శాంతిశ్రీ, చీఫ్‌ ప్లానింగ్‌ ఆఫీసర్‌ మోహనరావు, విపత్తు నిర్వహణ లైన్‌ డిపార్ట్‌మెంట్‌ అధికారులు పాల్గొన్నారు.