సుభాష్‌ చంద్రబోస్‌ జీవితం స్ఫూర్తిదాయకం

మాట్లాడుతున్న బాలామణి, చిత్రంలో ఇతర నాయకులు

కలెక్టరేట్‌(శ్రీకాకుళం), న్యూస్‌టుడే: దేశం కోసం పోరాడిన వ్యక్తుల్లో మొదటి వరుసలో ఉండే వ్యక్తి సుభాష్‌ చంద్రబోస్‌ అని, ఆయన జీవితం ఎంతోమందికి స్ఫూర్తిదాయకమని ఆపస్‌ మహిళా అధ్యక్షురాలు బి.బాలామణి పేర్కొన్నారు. శ్రీకాకుళం నగరంలోని ఆపస్‌ కార్యాలయంలో ఆదివారం కర్తవ్యబోధ కార్యక్రమాన్ని నిర్వహించారు. ఈ సందర్భంగా సుభాష్‌ చంద్రబోస్‌ చిత్రపటానికి పూలమాలలు వేసి నివాళులర్పించారు. ఈ సందర్భంగా జిల్లా ప్రధానకార్యదర్శి ఎస్‌.నర్శింగరావు మాట్లాడుతూ మేలైన పీఆర్సీ కోసం జరిగే ఉపాధ్యాయ ఉద్యమంలో చురుగ్గా పాల్గొనాలని, ఫిట్‌మెంట్‌ కనీసం 30 శాతం ఉండాలని, హెచ్‌ఆర్‌ఏ పాత స్లాబ్‌లు కొనసాగించాలని డిమాండు చేశారు. కార్యక్రమంలో జిల్లా కార్యదర్శి సీహెచ్‌.రమణ, రాష్ట్ర ఉపాధ్యక్షుడు టి.ఆనందరావు, జిల్లా ఉపాధ్యక్షుడు రఘునాథ్‌, గిరి, గోపాల్‌, తదితరులు పాల్గొన్నారు.