ఓటు హక్కు నమోదు మన బాధ్యత

కలెక్టరేట్‌(శ్రీకాకుళం), న్యూస్‌టుడే: ఓటు హక్కుకు అర్హులైన వారంతా బాధ్యతగా భావించి నమోదు చేసుకోవాలని కలెక్టర్‌ శ్రీకేష్‌ బి.లఠ్కర్‌ పిలుపునిచ్చారు. జాతీయ ఓటర్ల దినోత్సవం సందర్భంగా శ్రీకాకుళం పురుషుల డిగ్రీ కళాశాల మైదానం, బాపూజీ కళామందిరాల్లో ప్రత్యేక కార్యక్రమాలను మంగళవారం నిర్వహించారు. ఈ సందర్భంగా నిర్వహించిన కలెక్టర్‌ మాట్లాడుతూ 18 ఏళ్లు నిండిన యువత తప్పనిసరిగా ఓటరుగా నమోదు కావాలన్నారు. కొత్తగా నమోదు చేసుకున్న వారికి గుర్తింపు కార్డులను అందజేశారు. సీనియర్‌ సిటిజన్‌ ఓటర్లను సత్కరించారు. స్వీప్‌ నోడల్‌ అధికారి, జేసీ ఎం.విజయసునీత మాట్లాడుతూ ఓటరు నమోదులో యువత భాగస్వామ్యం అవసరన్నారు. ఆయా కార్యక్రమాల్లో ఇన్‌ఛార్జి డీఆర్వో సీతారామ్మూర్తి, రెడ్‌క్రాస్‌ జిల్లా అధ్యక్షుడు పి.జగన్మోహనరావు, డిగ్రీ కళాశాల ప్రిన్సిపాళ్లు పి.సురేఖ, కె.శ్రీరాములు, శివాని ఇంజినీరింగ్‌ కళాశాల యాజమాన్య ప్రతినిధి డి.వెంకటరావు, గాయత్రి కళాశాల ప్రిన్సిపల్‌ డా.పులఖండం శ్రీనివాసరావు, తదితరులు పాల్గొన్నారు.