డీడీవో, సచివాలయ సిబ్బందికి షోకాజ్‌ నోటీసు

భామిని, న్యూస్‌టుడే: మండలంలోని బాలేరు గ్రామ సచివాలయం సిబ్బంది, పంచాయతీ కార్యదర్శి(డీడీవో) గణతంత్ర దినోత్సవం రోజున పూర్తిగా సచివాలయం మూసివేసినందుకుగాను విధి నిర్వహణలో అలసత్వం ప్రదర్శించారనే అభియోగంపై వివరణ కోరుతూ స్థానిక ఎంపీడీవో పైడితల్లి షోకాజ్‌ నోటీసులు జారీ చేశారు. ఈ విషయమై స్థానికులు వాట్సప్‌ ద్వారా ఇచ్చిన ఫిర్యాదుపై స్పందించిన ఆమె సచివాలయ సిబ్బంది ఎందుకు గణతంత్ర దినోత్సవాన్ని నిర్వహించలేదో మండల పరిషత్తు కార్యాలయానికి వచ్చి రాతపూర్వకంగా సంజాయిషీ ఇవ్వాలని ఆదేశించారు. ఈ మేరకు సచివాలయ సిబ్బంది, కార్యదర్శులకు షోకాజ్‌ నోటీసు జారీ చేయవలసిందిగా కలెక్టర్‌ ఆదేశించినట్లు నోటీసులో పేర్కొన్నారు.