మళ్లీ బాదుడు..!

కలెక్టరేట్‌(శ్రీకాకుళం), న్యూస్‌టుడే: వంట గ్యాస్‌ వినియోగదారులపై మరోసారి ఆర్థిక భారం పడింది. ఈనెల మొదటి వారంలో సిలెండర్‌పై రూ.50 పెంచిన విషయం తెలిసిందే. తాజాగా మరోసారి ధరలను పెంచాయి. గృహావసరాలకు వినియోగిస్తున్న వంటగ్యాస్‌పై రూ.3.50, వాణిజ్య అవసరాలు వినియోగిస్తున్న గ్యాస్‌పై రూ.9 పెంచారు. గృహావసరాల వంట గ్యాస్‌ రూ.1026.50గా ఉండగా పెరిగిన తర్వాత రూ.1030 అయింది. జిల్లాలోని 6.80 లక్షల వరకు వంట గ్యాస్‌ కనెక్షన్లు ఉన్నాయి. దీని ప్రకారం రూ.23,80,000 అదనపు భారంపడినట్టయింది. ఓ వైపు నిత్యావసర సరకులు, కూరగాయల ధరలు మండుతుంటే మరోవైపు వంట గ్యాస్‌, పెట్రోల్‌, డీజిల్‌ ధరలు పెరుగుతూ సామాన్య, మధ్య తరగతి కుటుంబాల నడ్డి విరుస్తున్నాయి.