రైతు వ్యతిరేక విధానాలు వీడాలి

మందస ప్రధాన రోడ్డుపై రైతు, ప్రజా సంఘాల ర్యాలీ

రైతు సంఘం జిల్లా మహాసభలు మందసలో సోమవారం ఘనంగా ప్రారంభమయ్యాయి. ఈ సందర్భంగా నిర్వహించిన బహిరంగ సభలో సంఘ జిల్లా అధ్యక్షులు ఎస్‌.లక్ష్మీనారాయణ మాట్లాడుతూ కేంద్ర, రాష్ట్ర ప్రభుత్వాలు రైతు వ్యతిరేక విధానాలను విడనాడాలన్నారు. రైతుల ఆదాయాన్ని రెట్టింపు చేస్తామని మాయమాటలు చెప్పిన మోదీ ప్రభుత్వం రైతులకు వ్యతిరేకంగా చట్టాలను తీసుకొచ్చి నడ్డి విరిచే ప్రయత్నం చేస్తోందని ఆరోపించారు. అంతకముందు మందస వీధుల్లో ప్రభుత్వాలకు వ్యతిరేకంగా నినాదాలు చేస్తూ ర్యాలీ నిర్వహించారు. రైతు సంఘ రాష్ట్ర కార్యదర్శి ఎం.సూర్యనారాయణ, ఉపాధ్యక్షులు పి.జమలయ్య, జిల్లా కార్యదర్శి కె.మోహనరావు, ఇతర నాయకులు పాల్గొన్నారు. - న్యూస్‌టుడే, మందస