మత్స్యకార భరోసాకు ఈకేవైసీ చేయించుకోవాలి

కలెక్టరేట్‌(శ్రీకాకుళం), న్యూస్‌టుడే: మత్స్యకార భరోసా సాంకేతిక కారణాలతో నిలిచిపోయిన వారు ఈకేవైసీ, ఆధార్‌ అనుసంధానం చేయించుకోవాలని మత్స్యశాఖ జేడీ శ్రీనివాసరావు సోమవారం ఓ ప్రకటనలో తెలిపారు. జిల్లాలో 4365 బోట్లు ఉండగా 15,371 మంది నమోదు చేయించుకున్నారన్నారు. వీరిలో 1328 మంది వివిధ కారణాల వల్ల భరోసా నిలిచిపోయిందన్నారు. 14,043లో 10,030 మందికి ఖాతాలో రూ.10 వేలు జమ చేశామని, 4013 మందికి సంబంధించి సాంకేతిక సమస్యలు ఉన్నాయన్నారు. సచివాలయానికి వెళ్లి ఈకేవైసీ, బ్యాంకు ఆధార్‌ లింక్‌ చేయించినట్టయితే వెంటనే లబ్ధి జమవుతుందన్నారు.