జిల్లా ఆసుపత్రిలో వైద్యుల్ని నియమించాలి

ప్లకార్డులు ప్రదర్శిస్తున్న ఉత్తరాంధ్ర అభివృద్ధి వేదిక ప్రతినిధులు

టెక్కలి పట్టణం, న్యూస్‌టుడే: టెక్కలి జిల్లా ఆసుపత్రిలో వైద్యులను నియమించి ప్రజలకు మెరుగైన వైద్యసేవలందించేలా చర్యలు చేపట్టాలని ఉత్తరాంధ్ర అభివృద్ధి వేదిక ప్రధాన కార్యదర్శి అజశర్మ డిమాండు చేశారు. ఉత్తరాంధ్ర జాత కార్యక్రమంలో భాగంగా గురువారం టెక్కలి జిల్లా ఆసుపత్రిని సందర్శించారు. ఆసుపత్రి ఆర్‌ఎంవో శ్రీరాములు, సిబ్బంది, రోగులతో మాట్లాడి సమస్యలు తెలుసుకున్నారు. పరిష్కారం కోరుతూ ప్లకార్డులు ప్రదర్శించి నినాదాలు చేశారు. కార్యక్రమంలో కార్యదర్శి కుమారమంగళం, ఉపాధ్యక్షులు విజయగౌరి, శ్రీలక్ష్మి, యూటీఎఫ్‌ నేతలు గిరిధర్‌, అప్పారావు, జనవిజ్ఞానవేదిక జిల్లాఅధ్యక్షుడు కామేశ్వరరావు, కేఎన్‌పీఎస్‌ జిల్లాఅధ్యక్షుడు ప్రభాకరరావు, తదితరులు పాల్గొన్నారు.