పనుల వద్దే కుప్పకూలి..

ఎచ్చెర్ల, న్యూస్‌టుడే: ఎచ్చెర్ల మండలం పొన్నాడ పంచాయతీ బింగుపేటకి చెందిన ముంగి సూరయ్య(68) గురువారం ఉపాధిహామీ పనులు చేస్తుండగా మృతిచెందాడు. అధికారులు, కుటుంబ సభ్యులు తెలిపిన వివరాల ప్రకారం.. గ్రామంలోని పడిత చెరువు(మాడుగుల బంద) పూడికతీత పనులు చేస్తుండగా ఆయాసంగా ఉందని, తాగేందుకు తాగునీరు కావాలని అడిగాడు. అక్కడే ఉన్న కుటుంబ సభ్యులు నీరు తెచ్చేలోగా కుప్పకూలిపోయాడు. ఈయనకు భార్య రాములమ్మ, కుమారుడు, ఇద్దరు కుమార్తెలు ఉన్నారు. ఎంపీడీవో ఎం.పావని, ఏపీవో శోభాదేవి ఘటనా స్థలానికి చేరుకుని వివరాలు సేకరించారు.