మాదకద్రవ్యాలతో భవిష్యత్తు నాశనం

విద్యార్థులతో ప్రతిజ్ఞ చేయిస్తున్న ఎస్‌ఈబీ జేడీ పి.సోమశేఖర్‌, తదితరులు

ఎచ్చెర్ల, న్యూస్‌టుడే: యువత మాదకద్రవ్యాలకు అలవాటు పడితే భవిష్యత్తు నాశనమవుతుందని స్పెషల్‌ ఎన్‌ఫోర్స్‌మెంట్‌ బ్యూరో జాయింట్‌ డైరెక్టర్‌ పి.సోమశేఖర్‌ అన్నారు. అంతర్జాతీయ మాదకద్య్రవాల వ్యతిరేక దినోత్సవం సందర్భంగా చిలకపాలెం శ్రీశివానీ ఇంజనీరింగ్‌ కళాశాలలో శుక్రవారం అవగాహన కార్యక్రమాన్ని నిర్వహించారు. ఈ సందర్భంగా ఆయన మాట్లాడుతూ మాదకద్రవ్యాలకు దూరంగా ఉండాలన్నారు. అనంతరం విద్యార్థులతో ప్రతిజ్ఞ చేయించారు. ర్యాలీ నిర్వహించారు. కార్యక్రమంలో కళాశాల ప్రధానాచార్యులు డా.జె.బాలభాస్కర్‌, ఎస్‌ఈబీ అధికారులు కె.గిరిధర్‌, టి.నాగేశ్వరరావు పాల్గొన్నారు.