సౌత్‌జోన్‌ కుస్తీ పోటీల్లో పతకాలు

కోరాడ సూర్యయాదవ్‌

శ్రీకాకుళం అర్బన్‌, న్యూస్‌టుడే: సౌత్‌జోన్‌ కుస్తీ పోటీల్లో జిల్లా క్రీడాకారులు రెండు పతకాలు సాధించారు. చెన్నై వేదికగా ఈ నెల 25, 26వ తేదీల్లో జరిగిన పోటీల్లో జిల్లానుంచి మొత్తం అయిదుగురు పాల్గొన్నారు. ప్రీస్టైల్‌ విభాగంలో కోరాడ సూర్యయాదవ్‌, గ్రీక్‌రోమన్‌ 60 కిలోల విభాగంలో తోణంగి జగదీశ్‌యాదవ్‌ కాంస్య పతకాలు సాధించినట్లు రాష్ట్ర కుస్తీసంఘం అధ్యక్షుడు ఆర్‌.కె.పురుషోత్తం, డీఎస్‌ఏ కోచ్‌ బొట్ట గోవిందరావు తెలిపారు. వీరిని సంఘం జిల్లా అధ్యక్షులు, డీఎస్‌ఏ చీఫ్‌ కోచ్‌ ఎం.మాధురీలత, ఒలింపిక్‌ సంఘం ప్రధాన కార్యదర్శి పెంకి సుందరరావు, ఎస్‌.జగన్నాథం, నక్క కోదండరామన్న, కోశాధికారి నక్క దేవానంద్‌ అభినందించారు.