ఉత్తరాంధ్ర జిల్లాల మహిళా కన్వీనర్ల నియామకం

మహిళా కన్వీనర్లతో సోంప్రకాష్‌ యాదవ్‌

తిరుపతి(నగరం), న్యూస్‌టుడే: అఖిల భారత యాదవ మహాసభ ఉత్తరాంధ్ర జిల్లాల మహిళా కన్వీనర్లను సోమవారం నియమించినట్లు ఆ మహాసభ జాతీయ ఉపాధ్యక్షుడు సోంప్రకాష్‌ యాదవ్‌ తెలిపారు. సోమవారం నగరంలోని యాదవ మహాసభ కార్యాలయంలో మహిళా కన్వీనర్ల ఎంపిక జరిగింది. ఉత్తరాంధ్ర జిల్లాల మహిళా కన్వీనర్‌గా భారతి యాదవ్‌, మన్నం జిల్లా మహిళా కన్వీనర్‌గా నైధాన భారతమ్మయాదవ్‌, విజయనగరం జిల్లా మహిళా కన్వీనర్‌గా రమణమ్మ యాదవ్‌ను నియమిస్తూ ఆ విభాగం రాష్ట్ర మహిళా అధ్యక్షురాలు నడ్డి నాగమల్లేశ్వరి ఉత్తర్వులు జారీ చేశారు. మహిళా కన్వీనర్లు మాట్లాడుతూ యాదవ మహాసభను బలోపేతం చేసేందుకు తమవంతు కృషి చేస్తామన్నారు. గ్రామీణ స్థాయి నుంచి జిల్లా స్థాయి వరకు కమిటీలను ఏర్పాటు చేయనున్నట్లు పేర్కొన్నారు. అంతకు ముందు కన్వీనర్లు ప్రమాణస్వీకారం చేసి బాధ్యతలు చేపట్టారు.