త్యాగనిరతికి ప్రతీక మొహర్రం

జిల్లావ్యాప్తంగా ముస్లిం సోదరులు మొహర్రంను మంగళవారం భక్తిశ్రద్ధలతో జరుపుకొన్నారు. ఇస్లాంలో మొహర్రం మాసానికి ఎంతో ప్రాధాన్యం ఉంది. ఇస్లాం మత స్థాపకులు, చివరి ప్రవక్త అయిన హజరత్‌ మహమ్మద్‌ మనుమడు ఇమామ్‌ హుస్సేన్‌ ధర్మ స్థాపనకు ఈ నెలలోనే ప్రాణత్యాగం చేశారు. ధర్మపరిరక్షణ, శాంతి సమైక్యతల పరిపుష్టి, మానవత, సేవానిరతికి ప్రతీకగా నిలిచిన ఆయన త్యాగాన్ని స్మరిస్తూ ముస్లింలు నివాళులర్పిస్తారు. వివిధ ప్రాంతాల్లో పీర్లను నెలకొల్పి ప్రత్యేక ప్రార్థనలు చేస్తారు. ఇమామ్‌ హుస్సేన్‌ వీరగాథను స్మరిస్తూ శ్రద్ధాంజలి ఘటిస్తారు. ఇందులో భాగంగా జిల్లాకేంద్రంలోని జామియా మసీదులో ముస్లిం సోదరులు సామూహిక ప్రార్థనలు చేశారు. జెండాల వీధిలో పీర్లను అలంకరించారు. అదే ఈ చిత్రం. 

 - న్యూస్‌టుడే, శ్రీకాకుళం సాంస్కృతికం