ఊరూరా త్రివర్ణ శోభ..

వాడవాడలా మువ్వన్నెల జెండా రెపరెపలాడింది.. చిన్నా, పెద్దా జెండా చేతబట్టి దేశభక్తిని చాటింది.. ఉద్యమ స్ఫూర్తిని నింపుతూ, వీరుల త్యాగాలను స్మరిస్తూ సాగిన ర్యాలీలతో పుర వీధులు త్రివర్ణ శోభను సంతరించుకున్నాయి. ఆజాదీ కా అమృత్‌ మహోత్సవాల్లో భాగంగా జిల్లా వ్యాప్తంగా గురువారం అధికారులు, విద్యాసంస్థలు, వివిధ వర్గాల ప్రజల ఆధ్వర్యంలో వేడుకలు జరిగాయి. శ్రీకాకుళం నగరంలోని ప్రభుత్వ డిగ్రీ కళాశాల నుంచి ఏడురోడ్ల కూడలి మీదుగా పోలీసుల ఆధ్వర్యంలో జరిగిన ర్యాలీని ఎస్పీ రాధిక ప్రారంభించారు. టెక్కలి పట్టణంలో 350 అడుగుల జెండాతో ప్రైవేటు విద్యాసంస్థలు ర్యాలీ చేపట్టారు. సబ్‌కలెక్టర్‌ కార్యాలయం నుంచి పోలీస్‌స్టేషన్‌ వరకు ఆదిత్య ఇంజినీరింగ్‌ కళాశాల విద్యార్థులు నిర్వహించిన ర్యాలీలో దేశభక్తి నినాదాలతో ఆ ప్రాంతం మార్మోగింది.
- శ్రీకాకుళం నేరవార్తా విభాగం, టెక్కలి, టెక్కలి పట్టణం