ఉత్తమ ఉపాధ్యాయునిగా ఎంపిక

పేడాడ కిరణ్‌

పాతశ్రీకాకుళం, న్యూస్‌టుడే: హైదరాబాద్‌లోని ప్రతిష్టాత్మక ఇండియన్‌ బిజినెస్‌ స్కూల్‌(ఐఎస్‌బీ)లో ప్రొఫెసర్‌గా విధులు నిర్వర్తిస్తున్న శ్రీకాకుళం నగరానికి చెందిన పేడాడ కిరణ్‌ సదరు సంస్థ అందించే ఉత్తమ ఉపాధ్యాయ పురస్కారానికి ఎంపికయ్యారు. 2020-21 విద్యాసంవత్సరానికి సంబంధించి జరిగిన ఎంపిక ప్రక్రియలో విద్యార్థుల నుంచి తీసుకున్న అభిప్రాయాల మేరకు కిరణ్‌ పేరును ఎంపికచేశారు. ఈ నెల 15న హైదరాబాద్‌ క్యాంపస్‌లో జరిగే స్నాతకోత్సవంలో ప్రత్యేక పురస్కారాన్ని కిరణ్‌ అందుకోనున్నారు. కిరణ్‌ తండ్రి పేడాడ రాంబాబు ప్రభుత్వ జూనియర్‌ కళాశాల ప్రిన్సిపల్‌గా పనిచేసి ఉద్యోగ విరమణ చేశారు.